Informação
CONTADOR MENSAL

Locations of visitors to this page


REALTIME





    Album de Macau>> página inicial   

    Fotos:
   Textos:
"Comizaina" - Armando Santos

 

(MÚSICA)


COMIZAINA

Quim jã falâ, nôs Maquista sabe gozâ
Divera sã gostâ, comê até bariga inchâ
Nôs non tem culpa, tudo hora sã tem passâ
Tanto comizaina, que nôs senti tã rebentâ

Nôs tem, bafássá, chau-chau pele e ádê cabidela
Nôs tem, margoso-lorcha, peixe cucús e capela
Nôs tem, diabo, porco salmorado ou com champignon
Tem casquinha, minchi, lapa, tem panado di camarâm

Quelora aranjâ, festa-festa pã dançâ
Tanto comizaina, nôs sã nádi lôgo faltâ
Nosôtro sã maquista, nôs sã capaz cozinhâ
Quelora falâ comê, nosôtro tudo sã gostâ

Nôs tem, cuscurão, chilicote, com lacassâ
Nôs tem, bicho-bicho, cabelo di noiva e samussa
Nôs tem, bolo menino, pão recheado, cheese toast olâ
Bolo mármore, há--si, fárti nôs tambem gostâ

China corê rua, tudo hora tã cartâ
Tanto buburiça, pã comê qui nôs rebentâ
Vosôtro tem na casa, comizaina tã passâ
Cusa si sabroso, fazê nosôtro tã babâ

Nôs tem, chu-cheong-fân, chu-hông-chôk ou káp-tâi
Nôs tem, ló-pák-kou, apabico com kók-châi
Nôs tem, hám-chin-péan, ngâu-lei-sou e iâu-chá-kuâi
Sông-kou, lâng-kou, ló-pák-kou, pã comê até bariga câi

Vôs nuncassa, medo fome non tem comê
Se nunca passâ porta, chomâ loja lôgo trazê
Sã dia ou sã note, comizaina nádi faltâ
Tempo quente, tempo frio, sâi sol ou câi chuva

Min-páu, quente-quente, china na rua tã gritâ
Chá-siu, siu-áp, siu-iôk, qui sabroso pã tafulâ
Chi--vu com hông-tâu-chôk, sã qui bom pã lambusâ
Tâu-fu-fá, com tóng-un, nôs tã dale qui nádi parâ

Vosôtro tã olâ nôs qui tanto ancusa comê
Tudo qui sabroso, qui nôs non pódi esqueçê
Nôs ui-di gostâ, terâ nosôtro sã balichâm
Sã assi qui nôs falâ, nôs sã maquista di coraçâm